Komisioni i ligjeve:Ndarja e mandateve do vendoset nga Kuvendi
Nga OraNews Përditësimi i fundit 23 Janar 2013, 12:41
Komisioni i ligjeve vendosi vetëm me votat e shumicës që Kuvendi të ndajë mandatet sipas vitit 2009. Deputetët e PS-së në komision votuan kundër ndërsa mbledhja u shoqërua me debate mes deputetëve të mazhorancës dhe atyre të opozitës.Deputeti i PS-së Damian Gjiknuri theksoi se ndarja e mandateve sin ë vitin 2009 nuk respekton kriterin e barazisë ndaj ligjit“Mandatet nuk janë pazare politike, ka afat deri me 7mars për ndarjen e tyre. Po kërkoni të bëni një lojë vetëm të një pale,me këtë njëanshmëri po njollosni zgjedhjet. Kuvendi po luan si kasap politik. T'ia lëmë KQZ-së vendimin përndarjen e mandateve,Kuvendi ka hyrë në procedurë të paligjshme” theksoi Gjiknuri.Ndërsa deputeti i PD-së Edi Paloka është shprehur se komisioni i ligjeve nuk po shkel ligjin duke shqyrtuar ndarjen e mandateve por kjo është një detyrim ligjor.Raportojnë Lleshi dhe BibaNdërkohë më herët në lidhje me çështjen e ndarjes së mandateve në komisionin e ligjeve raportuan edhe kryetarja dhe nënkryetari i KQZ-së.Kryetarja e KQZ-së Lefteri Lleshi ka sqaruar arsyet se përse nuk u votua në Komisionin Qëndror të Zgjedhjeve ndarja e mandateve.“KQZ ka kryer llogaritjen e mandateve sipas informacioneve të marra nga Ministria e Brendshme. KQZ vendosi të mos ndante mandatet, pasi kjo gjë nuk u votua me shumicë të cilësuar ” tha Lleshi.Ndërsa, nënkryetari Denar Biba theksoi se KQZ-ja është në gjendje të marrë një vendim për ndarjen e mandateve.“Nuk dyshuam në falsitetin e të dhënave të Ministrisë së Brendshme por donim verifikim, pasi hidhej dyshim mbi integritetin e votës. Nuk erdhi informacioni që kërkuam nga Ministria e Brendshne, dhe KQZ nxitoi të votonte për mandatet. Nuk kemi dyshuar tek letra e MB, por të dhënat e dy akteve binin në kundërshtim me njëri-tjetrin. Në një moment të dytë ishim të gatshëm të votonim por nuk mund të kalohet në një vendim tjetër, nëse i pari s’është kaluar parimisht. KQZ-ja është në gjendje të marrë një vendim për ndarjen e mandateve” tha Biba.I menjëhershëm ka qënë reagimi i deputetit demokrat Edi Paloka i cili i është drejtuar nënkryetarit të KQZ-së me fjalët:Ku e gjeni të drejtën ligjore për të hetuar dyshimin?Por nënkryetari i KQZ-së ka theksuar se kodi i procedurës administrative thekson se një anëtar i një institucioni kolegjal ka të drejtë për të hetuar. “KQZ nuk funksionon vetëm në bazë të Kodit Zgjedhor” ka shtuar Biba.“Sipas Kodit,anëtarët e KQZ votojnë pro pse kundër, keni refuzuar me bindje të plotë duke shkelur ligjin” theksoi Paloka.Ndërkohë nënkryetari i KQZ-së Biba ka theksuar se do të kërkohet që sot të mblidhet Komisioni Qëndror i Zgjedhjeve për të shqyrtuar ndarjen e mandateve.”Tani e kemi informacionin e duhur për ndarjen e mandateve” shtoi Biba.Ndërkohë, kreu i komisionit të ligjeve Ilir Rusmajli theksoi se çështja e ndarjes së mandateve tani është në Kuvend dhe ka nisur të shqyrtohet.
