PD: 35 ditë heshtje, Rama inkriminoi partinë e tij, administratën dhe parlamentin
Nga OraNews Përditësimi i fundit 14 Gusht 2014, 11:54
Tiranë- Partia Demokratike ka kërkuar edhe sot reagimin e kryeministrit, Edi Rama, mbi incidentin në Kuvend të një muaji më parë.Deputeti demokrat, Sherefedin Shehu, në një dalje për mediat deklaroi se, Kryeministri ka 35 ditë që hesht, edhe pse u pa qartazi se ai nuk ishte një spektator, por organizator, porositës i dhunës.Sipas tij, çdo Kryeministër normal do të kishte mbajtur një qëndrim, kur provohet me dokumenta zyrtare se deputeti i partisë së tij është dënuar më parë për trafik prostitucioni e rrëmbim personi.Deklarata e deputetit Sherefedin ShehuAkti i rëndë i goditjes në Parlament dhe i kërcënimit me jetë të përfaqësuesve të Partisë Demokratike, do të kishte bërë cdo kryeministër normal, të një vendi normal, të reagonte, të mbante një qëndrim.Por Edi Rama ka 35 ditë që hesht, edhe pse u pa qartazi se ai nuk ishte një spektator, por organizator, porositës i dhunës.Pas kësaj ngjarjeje të paprecedentë që solli tension politik dhe detyroi Partinë Demokratike të ndërpesë marrdhëniet me Kuvendin, dolën në dritë fakte rrënqethëse për inkrimimin që Edi Rama i ka bërë kuvendit.Cdo Kryeministër normal, i një vendi normal do të kishte reaguar, do të kishte mbajtur një qëndrim, kur provohet me dokumenta zyrtare se deputeti i partisë së tij është dënuar më parë për trafik prostitucioni e rrëmbim personi.Por Edi Rama hesht, edhe pse dihet botërisht se deputeti me precedent penal është sot në parlament, me firmën e vulën e tij, dhe se ishte pikërisht Kryeministri që dëboi dhunshëm nga lista dy kandidate femra, vetëm e vetëm për ti hapur rrugën Arben Ndokës.Heshtja e Ramës, po e ndihmon atë të hyjë në histori si Kryeministri që inkriminoi partinë e tij, inkriminoi administratën, inkriminoi parlamentin.Të parët për lajmin e fundit. Ndiqni Oranews.tv në Facebook dhe në Twitter
