FOTOLAJM/ Spektakël në qiell, Super-Hëna shfaqet në Tiranë e Sarandë
Nga OraNews Përditësimi i fundit 10 Gusht 2014, 21:30
Njerëzit në mbarë botën kanë parë sot një hënë të plotë më të madhe sesa zakonisht. Kjo hënë e plotë nuk është vetëm më e madhja qe shfaqet, por edhe përballja më e afërt e Hënës me Tokën për të gjithë vitin 2014.Eventi që e bën natën e nxehtë të gushtit më të shndritshme e më emblematike është shfaqur mbrëmjen e sotme edhe në në qiellin shqiptar. Pamje te super-henes nga pedonalja në Tiranë
Fenomeni i “Superhënës” ndodh kur pika e saj i afrohet së tepërmi planetit të Tokës, për shkak të orbitës së saj eliptike. Pamje te super-henes nga Saranda
Kjo është hera e dytë që ndodh si proces në vitin 2014, por studiuesit thonë se sot ajo ka qenë 14% më e madhe dhe 30% më e ndritshme sesa ajo që ishte në janar 2014.Ndërkaq Hëna e plotë do të shfaqet edhe më afër Tokës më 28 shtator 2015.Të parët për lajmin e fundit. Ndiqni Oranews.tv në Facebook dhe në Twitter
