Nikolliç anullon vizitën: S’dua që Prishtina të vendos për vizitën time në Kosovë
Nga OraNews Përditësimi i fundit 5 Janar 2013, 10:36
Presidenti i Serbisë, Tomisllav Nikolliç, ka deklaruar se nuk do të shkoj për Krishtlindjet Ortodokse në Kosovë, pasi nuk dëshiron që Prishtina të vendosë se do të shkoj apo jo ai në Kosovë.“Nuk shkoj për Kërshëndella në Graçanicë”, tha Nikolliç, dhe shtoi se “nuk dua që Prishtina të vendos se a mund të shkoj në Kosovën tonë”.Më tej, ai i ka thënë gazetës Kurir se është e qartë se misioni EULEX në Kosovë “pret që për këtë të vendosin autoritetet në Prishtinë”.Sipas zotit Nikolliç, misioni EULEX edhe njëherë ka treguar se nuk është neutral ndaj statusit, ashtu siç paraqitet, por punon ashtu siç i thotë Prishtina.“Nuk më patën lejuar të shkoj në Kosovë, kur isha përfaqësues i opozitës, dhe nuk më lejojnë as tani kur jam president i Serbisë”, tha Nikolliç.Misioni i Bashkimit Evropian në Kosovë, EULEX, mbrëmë tha se nuk është pjesë e procesit të vendosjes se kujt i lejohet dhe kujt nuk i lejohet të hyjë.
