Merkel e ka llogaritur votën kundër të Cameron për Juncker

Angela Merkel nuk pret votë unanime, kur kryetarët e shteteve dhe të qeverive të Evropës të mblidhen javën e ardhshme në Bruksel dhe të propozojnë Jean-Claude Junckerin si president të ardhshëm të Komisionit Evropian.Kryeministri i Britanisë së Madhe, David Cameron, me siguri që nuk do ta ndryshojë më mendimin e tij, tha kancelarja në Berlin, pas një takimi me kolegun e saj nga Estonia, Taavi Roivas. Cameroni e kundërshton emërimin e Junckerit, sepse nën drejtimin e tij ai druhet për ndërhyrje më të forta të Brukselit në çështje nacionale. Prandaj Londra kërcënoi madje me një dalje të Britanisë së Madhe nga komuniteti i 28 shteteve.Por kancelaren Merkel duket se ky kërcënim nuk e frikëson më. Javët e fundit ajo u përpoq disa herë më kot që t'ia ndryshojë mendjen kryeministrit britanik. Në Bruksel ajo nuk pret vendim unanim, tha ajo.Merkeli konfirmoi njëkohësisht atë që kishte thënë më parë në një takim me kryeministren daneze, Helle Thorning-Schmidt: ajo është e gatshme që t'i përgjigjet Britanisë së Madhe në çështje të tjera. Ekziston dëshira që të punohet në frymë evropiane dhe do të dëgjohet zëri i Britanisë së Madhe, veçanërisht kur të bëhet fjalë për programin e punës së Komisionit të BE-së.Schulzi nuk do të bëhet Komisioner i BE-sëPër dy vendime të tjera personeli është rënë ndërkohë dakord midis partive unioniste dhe socialdemokratëve në Bundestagun gjerman: SPD lëshon pe në mosmarrëveshjen për Komisionerin e ardhshëm gjerman të BE-së dhe nuk ngul më këmbë për emërimin e Martin Schulzit."SPD do të pranojë një komisioner të partive unioniste - nëse Martin Schulz do të zgjidhet president i Parlamentit Evropian", i tha kryetari i Partisë, Sigmar Gabriel botimit online "Spiegel Online". Këtë e konfirmoi zëdhënësi i qeverisë gjermane, Sigmar Gabriel.Emërimi i Komisarëve të BE është një çështje thjesht nacionale. Oettingeri bën si komisioner për energjinë "punë shumë, shumë të mirë", e lavderoi kancelarja shokun e partisë së saj.Marre nga DW

Kina kërkon të vijë në Evropë përmes Greqisë

Liban, djali godet nënën me shkelm në fytyrë në emision

Ekskursionisti nxirret pas 12 ditësh i gjallë nga shpella

Një mumje hap sytë?

Dyfishohen ritmet e rritjes ekonomike amerikane

Karzai: Al Kaeda nuk do të kthehet në Afganistan

Zhdukja e pornostares, pulumbarët zbulojnë një trup në lumin Garda

Protesta të dhunshme në Brazil, Media: Po tmerrohen tifozët

275 ushtarë amerikanë në Bagdad, Kerry: Washingtoni do të ndërmarrë vetëm masa konstruktive

Al-Shabab përgjegjës për sulmin në Kenia

Rusia nuk bie dakort me Ukrainën për gazin natyror, vendos ultimatum

Kenia, 48 të vdekur, dyshohet për sulme militante

Ukrainë, bombë pranë Presidencës: Ndalni luftën, ose do vijë tek ju

Ukrainë, rebelët rrëzojnë avionin ushtarak, 49 të vdekur

Makina thyen postbllokun në Igumenicë, policia greke në alarm

Serbia mund ta pezullojë “Rrjedhën e Jugut”

Bie aksidentalisht nga 40 metra lartësi, vdes modeli francez

Protesta në Spanjë, kërkohet referendum. Monarki apo Republikë?

Putin mohon akuzat e G7-ës për destabilizimin e Ukrainës

SHBA, 2 largime në më pak se 3 orë nga “Shtëpia e Bardhë”