Ndërhyrja në Lazarat, Shehu: “Ajo që ka bërë PD në luftën kundër drogës, po jep fryte sot”.
Nga OraNews Përditësimi i fundit 17 Qershor 2014, 22:37
"Ajo që ka bërë PD në luftën kundër drogës, po jep frytet sot, kush godet policinë, godet shtetin"Kjo ka qënë fjala e Tritan shehut, një nga emrat më të njohur të PD në Ora News, menjëherë pas mbledhjes në selinë blu, në lidhje me proçesin zgjedhor, organizmin dhe anëtarësimet e reja për Tiranën.“PD ka qenë një forcë kundër krimit, kundër drogës, ka qenë mobilizuese këto muaj dhe kjo ka shtyrë strukturat, duke i detyruar të angazhohen më shumë në luftën kundër trafikimit të lëndëve narkotike”. Ajo që PD ka bërë, poi jep frytet”, tha ai.Shehu shtoi se presioni i madh i PD, për të luftuar drogën, nxjerrja e fakteve të reja, kanë qenë sipas tij një faktor i rendësishëm në shtyrjen dhe marrjen e masave për të goditur trafiqet dhe grupet kriminale.Ai nuk la pa përmendur dhe komunikatën e sotme të Pd-së, e cila mbështet aksionet e policisë.“Kushdo që godet policinë, ka goditur shtetin, i kërkojmë qytetarëve të distancohen nga grupet kriminale. Ne shpresojmë të kurorëzohet me sukses, duke mbrojtur jetën e qytetarëve dhe integritetin e forcave të rendit”, tha ai.Shehu tha më tej se proçesi i anëtarësimit në PD ka ecur mjaft mirë dhe janë tejkaluar pritshmëritë.Ai shprehu domosdoshmërinë e ndryshimeve organizative në Tiranë, në disa degë, duke qënë se kryeqyteti përbën 1/3 e popullsisë.“Eshtë e vështirë të punohet nga ana organizative, në një hapësirë kaq tq madhe. Është e domosdoshmë që Tirana të ndahet në disa degë, të jetë më dinamike, të jetë më e komunikueshme, më e ambjentueshme në proçesin e ri zgjedhor”, tha ai.Shehu foli për arsyet që e çojnë Tiranën në një sistem të ri dhe vlerësoi me rëndësi trasparencën e proçesit, duke u fokusuar sipas tij në shkaqet subjective .“Ky sistem konsiston në, zgjedhjet e brendshme në nivel seksionesh, analizat e shkaqeve të humbjes së zgjedhjeve, për të arritur në zgjedhjet e degëve që do të krijojë”, tha Shehu.e.k/oranews/online
