Nis fushata Presidenciale në Maqedoni, 4 kandidatë në garë, mes tyre shqiptari Iljaz Halimi
Nga OraNews Përditësimi i fundit 24 Mars 2014, 09:30
Nis sot zyrtarisht fushata elektorale për zgjedhjet presidenciale në Maqedoni.Gjorgje Ivanov nga VMRO-DPMNE, Stevo Pendarovski nga LSDM, Iljaz Halimi nga PDSH dhe Zoran Popovski nga GROM janë katër kandidatët që më 13 prill do të masin besimin e tyre tek qytetarët.Ivanov pritet të nis fushatën me një miting promovues nga Ohri, ndërsa Pendarovski fillon nga Shkupi. Iljaz Halimi kandidati i vetëm shqiptar do ta nisë fushatën nga Shkupi.Shtabet partiake kanë paralajmëruar më pak mitingje masive dhe më shumë takime të drejtpërdrejta me qytetarët, por duke shfrytëzuar edhe rrjetet sociale.Fushata e zgjedhjeve presidenciale do të ndërlidhet me atë të zgjedhjeve të parakohshme parlamentare që nis më 5 prill. Karvani i presidentëve do t`i bashkëngjitet partive të tyre nëpër mitingjet dhe karvanet nëpër qytetet e vendit. Kjo fushatë e përbashkët do të zgjasë për rreth një javë, para mbajtjes së raundit të parë të zgjedhjeve presidenciale më 13 prill.Heshtja zgjedhore do të jetë më 13 dhe 14 prill dhe do të vlejë edhe për zgjedhjet e parakohshme parlamentare, në mënyrë që më pas edhe për 12 ditë të tjera do të vazhdojë fushata e zgjedhjeve të dyfishta deri para mesnatës së 25 prillit kur hyn në fuqi heshtja zgjedhore për zgjedhjet e parakohshme parlamentare dhe raundin e dytë të presidencialeve të caktuar më 27 prill.
