Dega PS e Kavajës përgënjeshton akuzat e Partisë Demokratike
Nga OraNews Përditësimi i fundit 22 Mars 2014, 17:30
Partia Socialiste dega Kavajë përgënjeshtron akzuat e Partisë Demokratike mbi Drejtorin e Spitalit Rajonal Kavajë, Z. Agron Beu. Dega e Partisë Socialiste në këtë qytet deklaron me përgjegjësi të plotë se gjithëçfarë u deklarua nga PD janë të pavërteta dhe të pabazuara ligjërisht, madje tejkalojnë cdo normë të etikës dhe informimit me transparencë të opinionit publik.Ndaj shtetasit Agron Beu, me detyrë aktuale Drejtor I Spitalit Rajonal Kavajë nuk egziston asnjë vendim gjyqësor, lidhur me akuzën e korrupsionit dhe të asnjë akuze tjetër.Në shkresën që tund para kamerave partia deputetit që iku me turp nga Kavaja, Sali Berishes, thuhet shprehimisht se prokuroria e rrethit gjyqësor Vlorë ka vendosur pushimin e cështjes ndaj Z.Agron Beu, sepse e gjitha ishte një montazh politik.Na duhet t'i kujtojmë ish deputetit te kavajes Sali Berisha, si autor i shpifjeve të njëpasnjëshme dhe përpjekjes së dështuar për të destabilizuar opionin publik në Kavajë, se ka qenë ai, që kur ka qenë kryeministër i mbushi zyrat në Kavajë me individë me precedent penal, madje edhe të dënuar me vendime të formës së prerë të gjykatave mbanin poste të larta drejtuese në administratën e Sali Berishës. Sot ata janë arratisur nga Kavaja për ti shpëtuar drejtësisë.Partia Demokratike dhe Sali Berisha janë burime të fyerjeve dhe shpifjeve për të krijuar pasiguri. Partia Socialiste, bashkia dhe Qeveria jonë janë të vendosura për të Rilindur me shpejtësi Kavajën e Shqipërinë, për të sjellë progres, siguri, inovacion.
