Abuzimet me çmimet, ngrihet grup pune, monitorim në tregje
Nga OraNews Përditësimi i fundit 10 Janar 2014, 14:15
Vetëm 10 ditë pas hyrjes në fuqi të paketës fiskale qeveria ka marrë marrë masa për të shmangur abuzimet me çmimet në tregje. Që në ditët e para të janarit u konstatuan raste të shumta të rritjes së çmimeve në mënyrë abuzive kryesisht të karburanteve,cigareve dhe pijeve alkolike.Në këtë mënyrë për të mbrojtur interesat e konsumtarorëve dhe për rritjen e transparencës së praktikave tregtare në treg, por edhe në përgjigje të shqetësimit qytetar për praktikat e rritjes së çmimeve në periudhat e fundvitit, Ministria e Zhvillimit Ekonomik, Tregtisë dhe Sipërmarrjes ka nisur marrjen e masave për monitorimin e tregut.Në këtë kuadër, Ministri i Zhvillimit Ekonomik, Tregtisë dhe Sipërmarrjes ArbenAhmetaj dhe Ministri i Financave Shkëlqim Cani kanë firmosur Urdhrin e Përbashkët "Për ngritjen e grupit tëpërbashkët të punës për shmangien e rritjes abuzive të çmimeve në treg".Monitorimi i tregut do të bëhet në bashkëpunim me Drejtorinë e Përgjithshme të Doganave dhe Drejtorinë e Përgjithshme të Tatimeve.Që në ditët e para të janarit janë konstatuar abuzime me karburantët pasi rritja e çmimit të naftës dhe benzinës nuk ka qenë 12 lekë për litër siç parashikohej në ligj por ka variuar edhe 15 lekë apo 20 lekë duke i rënduar xhepave të qytetarëve.Po ashtu edhe me paketat e cigareve është abuzuar pasi çmimi i tyre është rritur me 30 lekë nga 20 lekë që parashikohej në ligj. Ngritja e grupit të punës për të monitoruar tregjet pritet që të ndikoj në balancimin e çmimeve duke i kthyer ato në nivelin e rritjes reale edhe pse jemi në ekonomi tregu dhe ndërhyrja tek çmimet nuk është e pranueshme.
