PE seancë për Shqipërinë, Fyle: Ka bërë progres, t’i japim statusin
Nga OraNews Përditësimi i fundit 10 Dhjetor 2013, 19:52
Komisioneri për Zgjerim Stefan Fyle ka kërkuar që Shqipërisë ti jepet statusi kandidat për në BE. Duke folur në seancën plenare të Parlamentit Europian, ku po diskutohet progres-raporti për Shqipërinë, Fule ka theksuar se Shqipëria ka bërë progres ndaj meriton të marrë statusin kandidat.“Shqipëria ka bërë progres ndaj mertiton të marë statusin kandidat. Zgjedhjet e qershorit ishin të rregullta dhe treguan që pati një transferim normal të pushteteve. Progresraporti për 2013 dëshmoi shumë progress” ka thënë Fule, ndërsa e ka cilësuar hap të rëndësishëm dhënien e statusit kandidat Shqipërisë.Ndërkaq raportuesi për Shqipërinë në Parlamentit Europian Nikol Vuljaniç deklaroi se PE duhet ti japë mbështetje statusit për Shqipërinë.“Raporti është pozitiv për Shqipërinë. Rezoluta nxjerr në pah arritjet e Shqipërisë. E rëndësishme është dhënia e statusit kandidat. Shqipëria e meriton statusin kandidat.Jam i sigurt që do ti kalojë problemet me ndihmën e BE-së. Shqipëria është populli më i ri në Europë.”- deklaroi Vuljaniç.Ministri i Jashtëm lituanez, Leskevicius u shpreh se Qeveria shqiptare ka marrë masa kundër krimit dhe korrupsionit.Edhe eurodeputetja Doris Pack, u shpreh në favor të marrjes së statusit të vendit kandidat nga Shqipëria.
