Presheva ngrin bisedimet me Serbinë, pasi ligji i ri i heq gjykatën dhe prokurorinë
Nga OraNews Përditësimi i fundit 23 Nëntor 2013, 15:46
Liderët politikë shqiptarë të Luginës së Preshevës kanë marrë qëndrim unik që të ndërpresin bisedimet me Qeverinë serbe. Gjatë një takimi të përbashkët ata kanë konstatuar se politika e Beogradit zyrtar vazhdon t’i diskriminojë skajshmërish shqiptarët e Luginës.Vendim i liderëve shqiptarë vjen pasi në seancën fundit të Parlamentit serb , Kuvendi nuk ka marrë parasysh amendamentet e deputetit Riza Halimi, duke miratuar ligjin e ri për rrjetin e drejtësisë, shkruan Titulli.Më këtë ligj Presheva do të mbetet pa gjykatë dhe prokurori, pasi qeveria serbe me regjistrimin e fundit në Luginë njeh më pak shqiptarë.Sipas kryetarit të Preshevës, Ragmi Mustafa deri tek ndërprerja bisedimeve ka ardhur, pasi edhe ministria e shëndetësisë nuk ka realizuar premtimet e dhëna.Si arsye të tjera për bojkotin e bisedimeve është edhe mos kthimi i lapidarit në Preshevë , konfiskimi teksteve shkollore shqipe, mos largimi i lapidarit të paramilitarëve mbi fshatin Luçan të Bujanocit si dhe vendimi i fundit i qeverisë, i cili shkurton buxhetin e komunave shqiptare në mënyre drastike , duke u dedikuar ato mjete për komunat serbe në Kosovë.Sipas liderëve politikë shqiptarë, bisedimet me palën serbe kishin nisur me ndërmjetësimin e OSBE-së , ndërsa plani i tyre prej shtatë pikave deri më tani ka mbetur vetëm në letër, pasi asnjë premtim i Qeverisë në Beograd nuk është realizuar deri më tani.
