Armët kimike, Berisha ironizon Ramën: Transparencë neobllokmenësh!
Nga OraNews Përditësimi i fundit 13 Nëntor 2013, 13:58
Transparence orwelliane. Të tillë e ka cilësuar ish-kryeministri Sali Berisha deklaratën e pasardhëit të tij Edi Rama lidhur me mundësinë e shkatërrimit të armëve kimike në Shqipëri. Sipas tij Rama mashtroi shqiptaret kur tha se nuk ka vendosur asgje për këtë çështje.“Te dashur miq, Edi Rama vazhdon kodin e heshtjes ndaj qytetareve dhe opozites. Shqiptaret mesojne nga mediat amerikane, britanike, gjermane, franceze dhe ruse se nje seri vendesh anetare te NATO-s, si Norvegjia, Turqia, Greqia, Italia etj kane refuzuar shkaterrimin e armeve kimike siriane ne territorin e vendit te tyre.Po nga mediat e ketyre vendeve shqiptaret mesojne te verteten se Edi Rama me entuziazem iu ka premtuar jo nje por disa vendeve anetare dhe jo te NATO-s shkaterrimin e ketyre armeve ne Shqiperi. Zoti Rama perseri dje mashtroi shqiptaret kur tha se nuk ka vendosur asgje dhe me nje cinizem ekstrem iu deklaroi atyre se "edhe ne rast se do na duhet te marrim nje vendim qofte ne njeren ane qofte ne anen tjeter, me argumentat qe do paraqesim, vendimi qe do marrim do beje krenar cdo shqiptar". Pra qytetaret duhet te ndjehen krenar pavarsisht nese Rama do vendose per shkaterrimin e armeve ose mospranimin e armeve kimike siriane ne Shqiperi, sepse me se fundi ai do marre mundimin t'iu komunikoje atyre vendimin qe ka marre.Ky eshte nje turp. Kjo eshte transparence orwelliane!!” shkruan Berisha në fb.Një ditë më parë Kryeministri i vendit Edi Rama u shpreh se ka diskutuar me sekretarin eShtetit Amerikan për 30 minuta ne telefon, por ende nuk është marrë asnjë vendim.Kryeministri i vendit tha se vendimi do te ndahet me publikun dhe me Parlamentin.Por ai e mbylli pergjigjen e tij per kete çeshtje duke rikujtuar se Shqiperia eshte anetare e NATO-s dhe se çarmatosja pa lufte e regjimit te Assad dhe ndalimi i importit te plehrave jane dy gjera qe nuk duhet t'i ngaterroje askush.Rama tha se i 'kujtoj te gjithe shqiptarëve se une jame ne krye te detyres per t'i sherbyer se pari, interesave dhe sigurise kombetare'.
