Ambasadori britanik takon Gjoshën: Shqipëria ka shumë sfida përpara

Ministrja e Integrimit Evropian Klajda Gjosha, është takuar sot me Ambasadorin e Mbretërisë së Bashkuar në Tiranë Nicholas Cannon.Ambasadori Britanik e uroi Ministren për detyrën e re dhe shprehu angazhimin e vendit të tij pro zgjerimit të Bashkimit Evropian drejt vendeve të Ballkanit Perëndimor.  Ai tha se Shqipëria ka shumë sfida përpara, por njëkohësisht ka edhe avantazhet e saj përgjate rrugës së Bashkimit EvropianNdërsa Ministrja Gjosha vlerësoi partneritetin e mirë që ekziston mes dy vendeve  dhe shprehu interesin për të thelluar më tej marrëdhëniet me anë të shkëmbimit të vizitave në nivele të larta, të cilat do të kontribuonin në zgjerimin e bashkëpunimit.Ajo e bëri me dije Ambasadorin mbi disa objektiva afatshkurtra të axhendës së ngjeshur të saj dhe Ministrisë që ajo drejton për të përmbushur hapat e rëndësishëm për qëllimin e gjithë Shqiptarëve në rrugën drejt Bashkimit Evropian.

Ministrja Gjosha priti  gjithashtu Ambasadorin e Mbretërisë së Hollandës, Martin De La Beij.

Ministrja Gjosha vlerësoi marrëdhëniet e mira me Hollandën dhe shprehu vullnetin për t’i intensifikuar ato me anë të shkëmbimit të vizitave zyrtare. Ministrja vlerësoi gjithashtu edhe mbështetjen e Hollandës në proçesin e integrimit të Shqipërisë në BE. Znj. Gjosha theksoi se integrimi i vendit është një nga prioritetet kryesore të kësaj qeverie prandaj axhenda e integrimit është dhe do të jetë vazhdimisht shumë e ngjeshur.

Nga ana e tij, Ambasadori Hollandez i përcolli Ministres urimet e tij dhe të Ministrit të Jashtëm Hollandez për detyrën e re, si edhe u shpreh optimist për intensifikimin e marrëdhënieve. Ai tha se vendi i tij është pro zgjerimit evropian dhe se do të mbështesë Shqipërinë në këtë proçes.