Liga Arabe pro ndërhyrjes ushtarake në Siri
Nga OraNews Përditësimi i fundit 2 Shtator 2013, 08:15
Shtetet e Ligës Arabe përkrahin një ndërhyrje ndërkombëtare kundër qeverisë në Siri pas dyshimeve për sulm me gaz kimik që është raportuar se ka vrarë më shumë se 1400 civilë.Një rezolutë e miratuar gjatë një takimi në Kajro e bën përgjegjëse regjimin sirian në tërësi për sulmin e 21 gushtit dhe ka bërë thirrje për “ndëshkim dhe hetim të gjithë atyre që janë të përfshirë” nga Gjykata ndërkombëtare.Deklarata është bërë ndërsa ligjvënësit amerikanë në Washington po diskutojnë iniciativën e presidentit, Barack Obama që të marrë aprovimin e Kongresit për një sulm ushtarak kundër regjimit sirian.Të dy dhomat e Kongresit pritet ta marrin formalisht në konsideratë kërkesën e Obamës për autorizim, më 9 shtator.Sekretari i Shtetit, John Kerry të dielën ka thënë se dëshmitë e siguruara tregojnë se regjimi sirian ka përdoru gaz sarin në sulmin gjatë të cilit sipas Washingtonit janë vrarë 1429 civilë.
