Tragjedia në Durrës/ Malaj apelon për reflektim sa më parë
Nga Sonila Musai Përditësimi i fundit 5 Maj 2026, 20:06
Pedagogia Nora Malaj ishte e ftuar në emisionin “Epiqendër” në Ora News, të moderuar nga gazetarja Sonila Musai, ku ka folur për tragjedinë e rëndë në Durrës, duke bërë një apel të fortë për bashkim dhe reflektim shoqëror.
Malaj u shpreh se momenti kërkon unitet dhe solidaritet përtej dhimbjes individuale, duke theksuar se shoqëria duhet të fokusohet te zgjidhjet dhe parandalimi i ngjarjeve të tilla në të ardhmen.
Ajo përshkroi me tone emocionale dhimbjen e familjeve të prekura, duke e cilësuar situatën si tejet të rëndë dhe të papërballueshme për çdo prind.
“Është e paimagjinueshme dhimbja kur një prind përballet me humbjen e fëmijës në këto rrethana,” u shpreh ajo, duke theksuar se ngjarje të tilla shënojnë një kufi të dhimbjes njerëzore.
Malaj shtoi se shoqëria duhet të kuptojë urgjencën e situatës dhe nevojën për veprim të menjëhershëm institucional dhe social, në mënyrë që tragjedi të tilla të mos përsëriten.
NDIQNI INTERVISTËN E PLOTË "EPIQENDËR" NË ORA NEWS:
