Meta: Paqja në kanun vjen vetëm me besë
Nga Sonila Musai Përditësimi i fundit 28 Prill 2026, 20:30
Avokatja Sabina Meta, e ftuar në emisionin Epiqendër të moderuar nga Sonila Musai, foli për mënyrat e ndalimit të gjakmarrjes sipas kanunit.
Gjatë bisedës, ajo theksoi se ndalimi i zinxhirit të hakmarrjes arrihet kryesisht përmes ndërmjetësimit dhe paqtimit mes familjeve në konflikt.
Sipas saj, një rol kyç luajnë pajtuesit e gjaqeve, të cilët ndërhyjnë duke vendosur komunikimin mes palëve dhe duke siguruar dhënien e “besës”.
Meta shpjegoi se në rastet kur palët bien dakord, zhvillohet edhe një kuvend, ku përfaqësuesit e familjeve arrijnë një marrëveshje përfundimtare.
Kjo marrëveshje, e bazuar në besën e dhënë, garanton se konflikti mbyllet dhe nuk do të ketë më hakmarrje në të ardhmen.
Sipas saj, ky proçes mbetet një nga rrugët e vetme për të ndërprerë ciklin e gjakmarrjes në mungesë të një zgjidhjeje efektive institucionale.
NDIQNI EMISIONIN E PLOTË "EPIQENDËR" NË ORA NEWS:
