Vetëvendosje proteston para Kuvendit kundër ligjit të amnistisë
Nga OraNews Përditësimi i fundit 4 Korrik 2013, 11:47
Aktivistët e Lëvizjes Vetëvendosje, përmes një aksioni para ndërtesës së Kuvendit të Kosovës, kanë kundërshtuar projektligjin për amnisti, i cili pritet të shqyrtohet në Kuvend.Akivistët e kësaj lëvizje kanë shfaqur shpresën se ka deputetë që kanë ndërgjegje dhe do të mundësojnë që të mos bëhen 80 vota për kalimin e ligjit.Nënkryetari i Lëvizjes Vetëvendosje, Shpend Ahmeti, ka thënë se ky projekt-ligj tregon pasojat e para të marrëveshjes së arritur me Serbinë.Për miratimin e Ligjit për Amnistinë në Kuvendin e Kosovës, do të nevojiten dy të tretat e votave të deputetëve.Ligji për Amnistinë thuhet se rregullon kushtet dhe procedurën me të cilën jepet amnisti për personat që janë dënuar për një vepër penale, personat që janë nën ndjekje penale për vepra penale, apo personat që mund të jenë objekt i ndjekjes penale për veprat penale, të kryera para 20 qershorit të vitit 2013, brenda territorit që tani përbën Republikën e Kosovës.
