Instalimi i SIS, nesër do të ketë vonesa dhe ndërprerje të punës në doganat greke
Nga OraNews Përditësimi i fundit 6 Mars 2023, 22:53
Policia e Shtetit njofton qytetarët dhe drejtuesit e automjeteve që kanë planifikuar të udhëtojnë drejt Greqisë apo anasjelltas, se nga ora 09:00 deri në orën 18:00 të ditës së nesërme, 7 mars, në pikat e kalimit kufitar në palën greke, për shkak se do të kryen punime në sistemin e përpunimit të të dhënave, me qëllim instalimin e sistemit të ri SIS, do të ketë vonesa dhe ndërprerje të herëpashershme të punës.
Nuk do të kenë pengesa për të kaluar vetëm shtetasit grekë dhe shtetasit që kanë leje qëndrimi në Greqi.
Për të mos krijuar radhë, pritje të gjata dhe konfuzion në pikat e kalimit kufitar, Policia kërkon mirëkuptimin e qytetarëve dhe të drejtuesve të automjeteve që të shmangin lëvizjet drejt pikave të kalimit kufitar me Greqinë, në harkun kohor 09:00-18:00, të datës 7 mars.
