Shikoni autokolonën e makinave të bllokuar në Rrugën e Arbrit
Nga OraNews Përditësimi i fundit 21 Janar 2023, 19:35
Rreth 200 mjete kanë mbetur të bllokuara në Qafën e Murrizit që nga ora 14:30 e drekës.
Mes tyre janë dhjetëra furgonë pasagjerësh, autovetura dhe disa kamionë ushtrie.
Tre borëpastruese të kompanisë po punojnë për hapjen dhe kriposjen e rrugës, por reshjet me intensitet dhe era e fortë sjell borë në trupin e rrugës.
Edhe pse kalojnë borëpastrueset, mjetet e vogla me goma verore dhe pa zinxhirë bllokojnë sërish rrugën duke bërë që autokolona të lëvizë shumë pak.
Policia ka devijuar trafikun në rrugën e vjetër, nga Klosi drejt Burrelit.
