Britania dëbon dhe të burgosurit, 50 shqiptarë do të kthehen në Shqipëri për të vuajtur pjesën e mbetur të dënimit
Nga Ora News Përditësimi i fundit 30 Dhjetor 2022, 10:55
50 të burgosur shqiptarë në burgjet britanike do të kthehen në Shqipëri për të vuajtur pjesën e mbetur të dënimit.
Kjo do ta çlirojë vend nga disa kriminelë jashtëzakonisht të rrezikshëm dhe do t'i kursejë taksapaguesit koston e burgosjes së tyre, shkruan Daily Mail.
Më e rëndësishmja, marrëveshja e re dypalëshe sipas së cilës po ndodhin këto dëbime tregon një frymë në rritje bashkëpunimi midis Londrës dhe Tiranës.
Në fillim të këtij muaji, Rishi Sunak njoftoi një marrëveshje të përbashkët për të përshpejtuar kthimin e shtetasve shqiptarë që bëjnë kërkesa të pabazuara për azil këtu pjesë e një strategjie më të gjerë për të frenuar migrimin përmes kanalit anglez.
Janë më shumë se 1300 kriminelë shqiptarë në burgjet britanike, shkruan Daily Mail.
Pra, megjithëse dërgimi i 50 të burgosurve është fillimi, janë ende shumë të burgosur shqiptarë që vuajnë dënimin në Angli.
Nëse ky problem do të zgjidhet përgjithmonë, dëbimi duhet të bëhet automatik menjëherë pas dënimit.
Po kështu, frenimi i fluksit masiv të azilkërkuesve shqiptarë kërkon veprim radikal dhe vullnet të qëndrueshëm politik.
Personat që kërkojnë statusin e refugjatit në Britani janë rritur nga 50 në 2020 në më shumë se 13,000 këtë vit, pavarësisht se nuk ka ndryshim të rëndësishëm në situatën politike në Shqipëri.
Shumica janë të rinj të joshur nga avantazhet ekonomike që Britania ka për të ofruar, në vend që të përpiqen vërtet t'i shpëtojnë persekutimi.
