Këputje e ligamentit të gjurit, Broja mbyll sezonin përpara kohe
Nga OraNews Përditësimi i fundit 12 Dhjetor 2022, 22:05
Kishte shanse të mira për të tentuar Milanin në merkaton e dimrit por pse jo edhe një vend titullari te Chelsea por ky sezon për Armando Brojën duket i mallkuar.
Mjekët dhe analizat e detajuara konfirmojnë dëmtimin e rëndë në gju për sulmuesin shqiptar që do të jetë një mungesë e rëndësishme edhe për Kombëtaren në ndeshjet eleminatore të Euro 2024 deri në muajin shtator.
Sipas mediave në Angli, gjatë miqësores me Aston Villa-n, Broja këputi ligamentin e gjurit, dëmtim që do ta mbajë 6 muaj larg fushave, çka do të thotë se këtë sezon Broja e ka mbyllur tashmë.
