Tirana shkatërron Kastriotin, kampionët e rinsin aty ku e lanë
Nga OraNews Përditësimi i fundit 12 Dhjetor 2022, 20:50
Ndeshje pa histori në "Air Albania" mes Tiranës dhe Kastriotit të vendosur që në pjesën e parë dhe të mbyllur me rezultatin 4-0.
Skuadra e Orges Shehit dukshëm superiore i dha vazhdimësi atij suksesi në Superkupën e Shqipërisë pasi e zhbllokoi menjëherë sfidën me Redon Xhixhën në rrjetën e 11 sezonale, ndërsa Sherif Kallaku dhe braziliani Patrik në pjesën e parë hipotekuan suksesin e bardhebluve që konfirmohen skuadra për t'u mundur në garën e titullit kampion.
Golin e katërt e shtoi Nikqi në fundin e pjesës së dytë.
Në krahun tjetër, Kastrioti nuk mundi në asnjë moment ta vinte në vështirësi ekipin kryeqytetas dhe tashmë duhet të mendojë për 3 ndeshjet e mbetura të vitit 2022. (Fotot: LSA)
