Borell: BE nuk do t’i tolerojë sulmet ndaj EULEX-it, të hiqen menjëherë barrikadat e grupeve serbe
Nga OraNews Përditësimi i fundit 11 Dhjetor 2022, 13:21
Përmes një reagimi në Twitter Kryediplomati i Bashkimit Evropian, Josep Borrell, ka reaguar pas sulmit ndaj patrullës vëzhguese të EULEX-it.
Ai shkruan se BE-ja nuk do të tolerojë sulme të tilla dhe se barrikadat duhet të hiqen menjëherë, derisa ka kërkuar që të shmanget përshkallëzimi.
Borell: BE nuk do t’i tolerojë sulmet ndaj EULEX-it ose përdorimin e akteve të dhunshme kriminale në veri. Barrikadat duhet të hiqen menjëherë nga grupet e serbëve të Kosovës. Duhet të rivendoset qetësia. EULEX-i do të vazhdojë të koordinohet me autoritetet e Kosovës dhe KFOR-in. Të gjithë aktorët duhet të shmangin përshkallëzimin
Edhe Ambasadori i Shteteve të Bashkuara të Amerikës në Kosovë, Jeffrey Hovenier, i ka dënuar sulmet ndaj Policisë së Kosovës dhe EULEX-it.
Hovenier ka thënë se sulmet ndaj Policisë së Kosovës dhe personelit ndërkombëtar të sigurisë janë të papranueshme dhe se autorët duhet të japin përgjegjësi para drejtësisë së Kosovës.
#EU will not tolerate attacks on @EULEXKosovo or use of violent, criminal acts in the north. Barricades must be removed immediately by groups of Kosovo Serbs. Calm must be restored. EULEX will continue to coordinate w/Kosovo authorities & KFOR.
— Josep Borrell Fontelles (@JosepBorrellF) December 11, 2022
All actors must avoid escalation.
