"Çunat e Londrës" kërkojnë liberalizim e vizave, Rama: Sulmi i qeverivë britanike i kalkuluar
Nga OraNews Përditësimi i fundit 15 Nëntor 2022, 11:10
Në konferencën për median kryeministri Edi Rama ka konfirmuar ka kërkuar liberalizim vizash për shqiptarët por qeveria britanike ka qenë kundër.
Madje tha se sulmi ndaj shqiptarëve ka qenë i kalkuluar.
Gazetari: Nga bisedat që kam patur me ata që ju i quani "Çunat e Londrës" i përkrahin qëndrimet tuaja në mediat e britanike dhe insistimi se ministrja e punëve të brendshme duhet të kërkojë falje për deklaratën e bërë. Por nga ana tjetër ata kërkojnë nga qeveria shqiptare ta ngrejnë stekën krahas kësaj kërkese, të kërkojë një liberalizim apo lehtësim të vizave që shqiptarët të mos shkojnë me gomone siç kanë shkuar 12 mijë prej tyre deri tani?
“Situata dihet se cila është. Ne mund të themi shumë gjëra, por dihet që qeveria britanike ka hyrë në një rrugë pa krye me gjithë politikën e re që ka ardhur si rezultat i Brexit dhe të tjera dhe të kërkosh liberalizim vizash është gjëja që unë e kam thënë dhe përsëritur, por faktikisht ata janë në një drejtim të kundërt me këtë.
Kështu që çfarë të them më shumë se kaq, ndërkohë që falja do kishte zgjidhur shumë gjëra. Fakti që falja nuk erdhi tregon që sulmi ka qenë i kalkuluar, nuk ka qenë një nga ato shprehjet që dalin pa dashje”, tha Rama.
Sot paradite kryeministri, Edi Rama dhe ministrja e Financave dhe Ekonomisë, Delina Ibrahimaj zhvilluan një konferencë për shtyp me median për investimet në bono thesari. Konferenca u mbajt në kryeministri.
