Tirana e Shkupi në Unison: Duam BE-në, dy qeveritë firmosin 21 memorandume

Nga OraNews Përditësimi i fundit 14 Nëntor 2022, 13:22

Qeveria e Shqipërisë dhe ajo e Maqedonisë së Veriut u takuan këtë të hënë, 14 nentor, për herë të dytë në Shkup, ku mbajtën mbledhjen e dytë të përbashkët. Kryeministri maqedonas Dimitar Kovaçevski tha se marrëveshjet dhe memorandumet e firmosura do të rrisin edhe më tepër bashkëpunimin mes vendeve, duke nënvizuar se qëllimi i të dy vendeve mbetet i njëjtë ai për anëtarësim në BE. Në të njëjtën linjë u shpreh dhe kryeministri Rama, i cili deklaroi se tanimë ka ardhur koha që të projektohet e ardhmja përtej luftës që po ndodh në Ukrainë.

Ashtu si me Prishtinën, Qeveria e Shqipërisë e transferoi traditën e mbledhjeve të përbashkëta ndërqeveritare me qeverinë e Maqedonisë së Veriut.

Delegacioni i kryesuar nga kryeministri Edi Rama zbarkoi këtë të hënë në Shkup, ku u prit nga kryeministri maqedonas Dimitar Kovaçevski, me të cilin u nënshkruan mbi 20 marrëveshje, ku në fokus të tyre është bashkëpunimi për integrimin në Bashkimin Evropian.

Marrëveshjet dhe memorandumet e firmosura këtë të hënë sipas Kovaçevskit, do të rrisin edhe më tepër bashkëpunimin mes vendeve, duke nënvizuar se qëllimi i të dy vendeve mbetet i njëjtë ai për anëtarësim në BE.

Në të njëjtën linjë u shpreh dhe kryeministri Rama, i cili deklaroi se tanimë ka ardhur koha që të projektohet e ardhmja përtej luftës që po ndodh në Ukrainë.

Ndërkaq të dy kryeministrat theksuan rëndësinë që sipas tyre ka nisma e "Ballkanit të Hapur" e cila do të shërbejë dhe për zbutjen e tenmsioneve mes Kosovës dhe Serbisë.

Ndërkaq Rama solli sërish si shembull kohën e pandesimë ku Shqipëria sipas tij u braktis nga BE-ja, pasi vendi ynë nuk e kishte mbështetjen e vendeve Perëndimore për furnizimin me vaksina.

Ja 21 memorandumet e firmosura 

1.      Memorandumi bashkëpunimi ndërmjet Ministrisë për Evropën dhe Punët e Jashtme të Republikës së Shqipërisë dhe Ministrisë së Jashtme të Republikës së Maqedonisë së Veriut për bashkëpunim në fushën e digjitalizimit të shërbimeve konsullore.

2.      Memorandumit të mirëkuptimit ndërmjet Ministrisë së Evropës dhe Punëve të Jashtme të Republikës së Shqipërisë dhe Ministrisë së Punëve të Jashtme të Republikës së Maqedonisë së Veriut për bashkëpunim në fushën e trajnimeve diplomatike

3.      Memorandum bashkëpunimi për çështjen e integrimit në BE ndërmjet Sekretariatit për Çështje Evropiane të Qeverisë së Republikës së Maqedonisë Veriore dhe Ministrit të Shtetit, Kryenegociatorit të Republikës Së Shqipërisë

4.      Protokoll ndërmjet Ministrisë së Financave dhe Ekonomisë – Drejtorisë së Përgjithshme të Doganave të Republikës së Shqipërisë dhe Ministrisë së Financave dhe Ekonomisë – Administratës Doganore të Republikës së Maqedonisë së Veriut në lidhje me zbatimin e Marrëveshjes për njohjen e ndërsjellë të operatorëve ekonomik të autorizuar – autorizimet për sigurinë dhe mbrojtjen (OEAS), ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut

5.      Memorandum Mirëkuptimi dhe bashkëpunimi në fushën e Financave Publike dhe Procesit të Aderimit në Bashkimin Evropian ndërmjet Ministrisë së Financave dhe Ekonomisë të Republikës së Shqipërisë dhe Ministrisë së Financave të Republikës së Maqedonisë

6.      Protokolli zbatues ndërmjet Ministrisë së Financave-Drejtoria e Doganës e RMV dhe Ministria për Financave dhe Ekonomisë- Drejtoria Përgjithshme e Doganave të RSH për zbatimin e marrëveshjes në mes Qeverisë së RMV dhe Këshillit të ministrave të RSH për vendosjen e vendkalimit të përbashkët kufitar në mes RSH dhe RMV, i nënshkruar më 10.06.2021 në Tiranë për vendkalimin ndërkombëtar Qafë-Thanë(RMV-Qafë- Thanë RSH)

7.      Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut për krijimin e task forcave të përbashkëta në fushën e sigurisë

8.      Protokoll ndërmjet Ministrisë së Brendshme të Republikës së Shqipërisë dhe Ministrisë së Brendshme të Republikës së Maqedonisë së Veriut për implementimin e kontrollit të përbashkët kufitar në pikën e përbashkët të kalimit kufitar Qafë-thanë/Kjafasan.

9.       Memorandum mirëkuptimi ndërmjet Ministrisë së Mbrojtjes së Republikës së Shqipërisë dhe Ministrisë së Mbrojtjes së Republikës së Maqedonisë së Veriut për bashkëpunim në fushën e mbrojtjes.

10.  Marrëveshje  bashkëpunimi ndërmjet Republikës së Shqipërisë dhe Republikës së Maqedonisë së Veriut për rikthimin e ikonave të trafikuara ne vendin e tyre të origjinës.

11.  Programi për bashkëpunim ndërmjet Ministrisë së Arsimit dhe Sportit të Republikës së Shqipërisë dhe Ministrisë së Arsimit dhe Shkencës së Republikës së Maqedonisë së Veriut në fushën e arsimit dhe shkencës për periudhën 2022-2025.

12.  Memorandum bashkëpunimi ndërmjet Ministrisë së Arsimit dhe Sportit të Republikës së Shqipërisë dhe Ministrisë së Arsimit dhe Shkencës  të Republikës lidhur me lekturën /redaktimin gjuhësor të gjuhës shqipe.

13.  Memorandum bashkëpunimi ndërmjet Ministrisë së Arsimit dhe Sportit të Republikës së Shqipërisë dhe Ministrisë së Sistemit Politik dhe Marrëdhënieve Ndërmjet Bashkësive të Republikës së Maqedonisë së Veriut lidhur me zbatimin e gjuhës së shenjave të gjuhës shqipe.

14.  Memorandumit të mirëkuptimit ndërmjet Republikës së Shqipërisë dhe Republikës së Maqedonisë së Veriut në fushën e transformimit digjital

15.  Memorandum bashkëpunimi në sektorin e energjisë ndërmjet Ministrisë së Infrastrukturës dhe Energjisë të Republikës së Shqipërisë dhe Ministrisë së Ekonomisë të Republikës së Maqedonisë së Veriut

16.  Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut për delegimin e trafikut ajror në një pjesë të hapsirës ajrore mbi liqenin e Ohrit.

17.   Marrëveshje ndërmjet Këshillit të Ministrave të Republikës së Shqipërisë dhe Qeverisë së Maqedonisë së Veriut  për vendosjen e transportit ndërshtetëror ndërmjet Liqenit të Ohrit.

18.  Marrëveshje ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut për zhvillimin e lidhjes rrugore ndërmjet dy vendeve.

19.  Memorandumi bashkëpunimi ndërmjet Ministrisë së Shëndetësisë dhe Mbrojtjes Sociale të Republikës së Shqipërisë dhe Ministrisë së Punës dhe Politikës Sociale të Republikës së Maqedonisë së Veriut për bashkëpunim në fushën e politikave sociale dhe mbrojtjes së fëmijëve.

20.  Marrëveshjen e bashkëpunimit në fushën e shëndetësisë ndërmjet Ministrisë së Shëndetësisë dhe Mbrojtjes Sociale të Republikës së Shqipërisë dhe Ministrisë së Shëndetësisë të Republikës së Maqedonisë së Veriut

21.  Memorandum bashkëpunimi ndërmjet Ministrisë së Ekonomisë të Republikës së Maqedonisë së Veriut dhe Ministrisë së Shtetit për Mbrojtjen e Sipërmarrjes të Republikës së Shqipërisë.