Nga Libia në Shqipëri, bllokohet anija çisternë me 2275 ton naftë kontrabandë
Nga OraNews Përditësimi i fundit 13 Shtator 2022, 11:26
Një anije çisternë, nga Libia në Shqipëri me 2275 ton naftë kontrabandë është bllokuar në Durrës në kuadër të operacionit “Ring”
Policia ka vënë në pranga 4 shtetas të huaj ndërsa procedohen në gjendje të lirë 6 bashkëpunëtorët e tyre.
“Këta shtetas, në bashkëpunim me njëri-tjetrin, kanë kontrabanduar nga Libia në Shqipëri, me një anije çisternë, 2275 ton naftë, e dyshuar kontrabandë”
Të arrestuar janë kapiteni i anijes dhe 3 pjesëtarë të anijes.
Si rezultat i këtij operacioni janë arrestuar në flagrancë shtetasit:
Z. A., 54 vjeç (kapiteni i anijes), M. A., 25 vjeç, A. A., 43 vjeç, të tre banues në Libi dhe B. T., 25 vjeç, banues në Siri.
Gjithashtu filloi procedimi penal në gjendje të lirë për shtetasit:
A. B., 43 vjeç, A. A., 46 vjeç, A. N., 40 vjeç, A. E., 53 vjeç, A. H., 21 vjeç dhe A. K., 29 vjeç, të gjithë banues në Libi.
Në cilësinë e provës materiale janë sekuestruar anija çisternë, sasia e naftës dhe disa aparate celulare.
