Nëntë punonjës të fabrikës së përpunimit të ullirit në Fier, përfundojnë në spital me shenja intoksikimi
Nga OraNews Përditësimi i fundit 8 Shtator 2022, 10:56
Nëntë persona punonjës të fabrikës së përpunimit të ullirit, janë paraqitur me shenjat e intoksikimit në spitalin e Fierit. 6 prej tyre kanë marrë ndihmën mjekësore.
Mësohet se ata janë shoqëruar me urgjencë në spital dhe kanë marin ndihmën mjekësore, informon Ora News.
Pas ekzaminimeve u larguan nga spitali.
"Rreth orës 10:00, në Spitalin Rajonal Fier, kanë shkuar me shenja helmimi dhe ndodhen jashtë rrezikut për jetën, 9 shtetase, të cilat punojnë në një fabrikë përpunim ullinjsh, në aksin rrugor “Fier - Vlorë”.
Nga verifikimet paraprake, dyshohet se helmimi i tyre ka ardhur si pasojë e një reaksioni të shkaktuar nga produkti aromatizues (parfum) i përdorur nga njëra prej këtyre shtetasve" informon policia e qytetit.
Verifikimet për rrethanat e helmimit të 9 grave vijojnë edhe nga inspektorjatet për kushtet e punës aty.
Pas verifikimeve paraprake, policia e Fierit tha se helmimi i punonjëseve të fabrikës së ullirit ishte pasojë e një reaksionit të shkaktuar nga një parfum që kishte përdorur njëra prej tyre.
Rastet e helmimeve masive kanë qenë të vazhdueshme kryesisht në fabrika ku përpunohen produkte të ndryshme dhe fasoneri.
