Aksident nga parakalimi i gabuar në Levan-Tepelenë, plagoset shoferja e 3 pasagjerët
Nga OraNews Përditësimi i fundit 3 Shtator 2022, 14:20
Një automjet tip Toyota ka dalë jashtë rruge duke përfunduar në kanal pasditen e 3 shtatorit 2022.
Makina e cila drejtohej nga 30 vjeçarja nga Tirana duke drejtuar automjetin tip "Toyota", ka dalë nga rruga dhe për pasojë është dëmtuar vet drejtuesja e mjetit edhe tre pasagjerë.
Shoferja E. M., 30 vjeçe dhe shtetasit H. A., 60 vjeç, E. A., 55 vjeçe dhe L. B., 70 vjeçe, ndodhen në spital nën kujdesin e mjekëve në spitalin e Fierit.
Mësohet se kanë qenë banorët e zonës që i kanë dhënë ndihmën e parë të lënduarve.
Mësohet se shoferja është trembur pasi i është futur në parakalim një makinë tjetër.
Thirrja në urgjencë ka bërë që të nisen dy ekipe të spitalit të Fierit dhe uniformat blu.
Grupi hetimor po punon për zbardhjen e shkaqeve të kësaj dalje nga rruga.
