Ulje e ndjeshme e temperaturave dhe vranësira, çfarë rezervon moti për sot
Nga Ora News Përditësimi i fundit 3 Shtator 2022, 07:33
Sipas MeteoAlb: Territori Shqiptar do të jetë në ndikimin e vranësirave të shpeshta në pjesën më të madhe të ditës.
Pritet që deri në orët e mesditës vranësirat të pësojnë zhvillime të përkohshme duke krijuar mundësi për reshje, më të dukshme në zonat Veriore dhe pjesërisht ato Qëndrore.
Ndërsa pas mesdite pritet që gradualisht kushtet e motit të pësojnë përmirësim, si fillim në zonat Jugperëndimore të vendit tonë.
Temperaturat e ajrit do të ulen ndjeshëm në mëngjes dhe në mesditë duke luhatur vlerat ditore nga 12°C deri në 29°C.
Era do të fryjë e lehtë dhe mesatare me shpejtësi 45 km/h nga drejtimi Veriperëndimor duke krijuar në brigjet detare dallgëzim mbi 3 ballë.
