Berisha: Kompanitë e huaja shërbejnë si ‘maskë’ për vjedhjet e Ramës, mln euro merren pa garë
Nga OraNews Përditësimi i fundit 30 Gusht 2022, 19:35
Kreu i PD Sali Berisha u shpreh se shqiptarët po varfërohen në mënyrë të tmerrshme.
Në një bashkëbisedim me ekspertë, berisha tha se vjedhjet në Shqipëri mbulohen nga kompanitë e huaja.
Ai tha ndër të tjera se në vendin tonë merren miliona euro pa garë.
“Sot kemi bukuri mahnitëse por ata që i zotërojnë janë thjesht klientelë. Turizmin e merr burri i ministres. E merr hokatari i kryeministrit. E marrin të tjerë që nuk kanë asnjë interes zhvillimor përveç frymëzimit. Shqiptarët vidhen ndoshta sa asnjë popull tjetër në botë, apo Europë. Në Shqipëri ndodh një nga vjedhjet më të tmerrshme. Vjen një kompani nga Emiratet e Bashkuara si maskë për të plaçkitur mbi 1 mln e gjysmë euro. Ky ka një emër , një kullë të lartë në Dubai, por ka një mashtrim po aq të madh në Beograd. Ai shërben si maska e Edi Ramës për të ndërtuar Dubain. Kompani të tjera gjigandë instalohen pa garë. 760mln merren pa garë. Afera multimiliardëshe e Butrintit. Në Butrint përfiton vetëm një mafie që bën gjithçka. Nuk ka asnjë denoncim për shkelje madhore të konkurrencës që janë bazë kryesore e vjedhjeve të mëdha.”, tha Berisha.
