Ekskluzive/ Brenda Agjencisë Turistike ku u vra çifti i bashkëshortëve, trupat e pajetë në dysheme

Nga Edison Vatnikaj Përditësimi i fundit 30 Gusht 2022, 19:33

Ora News  foton nga Agjencia Turistike në Tiranë ku ndodhi krimi i rëndë pasditen e kësaj të marte.

Në foto shihen trupat e pajetë të çiftit Dritan (Alban) Muskuti 44 vjeç dhe bashkëshortja e tij Nora 33 vjeçe.

Ata u qëlluan me armë zjarri nga vëllai i Dritanin, Arsen (Hamza) Muskurti.

Ekskluzive/ Brenda Agjencisë Turistike ku u vra çifti i
Vendi i krimit

Ngjarja ka ndodhur rreth orës 16:45. Autori është larguar menjëherë nga vendi i ngjarjes pas krimit.

Dy vëllezërit kanë qenë ortakë në Agjencinë Turistike, por më pas ishin ndarë dhe kjo ndarje e biznesit dyshohet se ka qenë dhe shkaku i këtij konflikti.

Mes shumë konfliktesh, viktima kishte kërkuar mbrojtje në polici pas sherreve me të vëllain, por duket se kjo kërkesë është shpërfillur nga strukturat e zbatimit të ligjit.

Ndërkohë, viktimat, Dritan dhe Nora Muskurti lanë pas 3 fëmijë, ndërsa policia mundi të arrestojë autorin Arsen Muskurti pak orë pas krimit.

Ekskluzive/ Brenda Agjencisë Turistike ku u vra çifti i

“Grupi hetimor  nën drejtimim e Prokurorisë po punon  për sqarimin e plotë të rrethanave të ngjarjes", njofton policia.

Kjo është ngjarja e dytë, pasi ditën e djeshme dy viktimave u regjistruan në Lezhë, ku dhëndri vrau ish-vjehrrin dhe ish-kunatin e tij.

Babë e bir, Pjerin dhe Gent Përjaku, u vranë në fshatin Grykë Zezë të Lezhës nga ish dhëndri i familjes Besnik Pjetri, i cili është në arrati.