Rama batuta në Slloveni për krizën energjetike: Shqipëria me buxhet më të vogël se të Kristiano Ronaldos
Nga OraNews Përditësimi i fundit 29 Gusht 2022, 21:39
Kryeministri Edi Rama tha nga Sllovenia në forumin strategjik të BLEDI-t, u shpreh se Shqipëria ka buxhetin më të vogël se i Kristiano Ronaldos, teksa foli për krizën energjetike në vend.
Pavarësisht se buxheti i Shqipërisë sipas Ramës është i vogël dhe se jemi në krizë energjetike në vendin tonë nuk është rritur çmimi i energjisë për familjet shqiptare dhe bizneset e vogla.
Edi Rama: Kemi marrë një vendim, një vendim kurajoz mendoj, dhe koha do ta tregojë nëse është kurajoz apo jo i mençur për të mos prekur çmimet e energjisë për familjarët dhe bizneset e vogla. Ne po e mbulojmë plotësisht këtë diferencë që është mjaft e dhimbshme për buxhetin shqiptar që është më pak se buxheti i Cristiano Ronaldos, por sërish, ne ja kemi dalë të vazhdojmë kështu.
Deklaratës së Ramës i është përgjigjur moderatori duke i thënë: Ndërkohë që vijojmë me Moldavinë, analogjia me buxhetin e Kristiano Ronaldo-s, i cili tani rri më shumë në stol, e bën edhe më të padrejtë.
Sakaq kreu i qeverisë pas reagimit direkt të moderatorit tha se nuk ka asgjë kundër Kristiano Ronaldos, ndërsa shtoi se buxheti i Shqipërisë është modest.
Edi Rama: Le të mos flasim për drejtësi sepse do të ishte shumë e vështirë që të dilnim nga ky diskutim i drejtë e i padrejtë. Nuk kam asgjë kundër Cristiano Ronaldos, që të sigurohem që të mos ta merrni si sjellja e një juventini të tradhtuar. Thjesht po them që buxhetet tona janë shumë modeste krahasuar me të mëdhenjtë dhe duke mos qenë edhe në Bashkimin Europian.
