Zjarri në Vlorë shkrumbon sipërfaqe me ullishte e pemëtari
Nga Edi Ruçi Përditësimi i fundit 18 Gusht 2022, 17:25
Vijon prej disa oresh të jetë aktive vatra e zjarrit në fshatin Babicë të Vlorës. Si rrjedhojë e flakëve është djegur sipërfaqe e konsiderueshme tokë e mbjellë me ullinj, pemëtari të zonës dhe shkurre.
Efektivë të shumtë të forcave zjarrfikëse po luftojnë prej orësh tashmë me flakët teksa e kanë të vështirë për ti vendosur nën kontroll për shkak të avancimit të tyre duke patur si ndihmës erën.
Një banor thotë se janë djegur mbi 5 mijë rrënjë ullinj shekullorë.
"Po mundohemi vetë me mjete rrethanore për të fikur flakët pasi sipas tyre mjetet e zjarrfikëses e kanë të pamundur të ngjiten nga terreni i vështirë."
