Përmbyset furgoni në aksin Tamarë-Koplik, plagosen lehtë 4 pasagjerë
Nga OraNews Përditësimi i fundit 7 Gusht 2022, 18:53
Katër persona mbetën të plagosur pasditen e sotme në një aksident rrugor në aksin Tamarë-Koplik.
Mjeti tip "Benz", furgon, me drejtues shtetasin M. K. 51 vjeç, dyshohet se ka humbur kontrollin mbi drejtimin e mjetit dhe për pasojë furgoni është batuar në një anë në rrugë.
Si pasojë janë lënduar lehtë pasagjerët, shtetasit Z. G. 80 vjeç, Gj. P. 64 vjeç, Xh. Rr. 23 vjeç, D. V. 32 vjeç, të cilët kanë marrë mjekim në Spitalin Rajonal Shkodër dhe më pas janë larguar në banesa.
Grupi hetimor vijon veprimet e mëtejshme për sqarimin e rrethanave të aksidentit.
