Kuvendi votoi rezolutën kundër Dick Martyn, vjen reagimi i Moskës
Nga Ora News Përditësimi i fundit 2 Gusht 2022, 13:59
Ministria ruse ka reaguar mbi rezolutën e Dick Martyn të miratuar në Kuvendin e Shqipërisë më 21 korrik.
Ministria përmes një statusi në Twitter ka deklaruar se nuk ndryshon në qëndrimin e saj ndaj akuzave të ngritura, dhe se personat e përfshirë në trafikun e organeve duhet të dënohen ashpër.
"Parlamenti shqiptar miratoi një rezolutë që kundërshton akuzat në lidhje me trafikimin e organeve në Kosovë dhe Shqipëri.
Mbetemi të vendosur në qëndrimin tonë se personat e përfshirë në këto krime duhet të përballen me një dënim të ashpër dhe të drejtë," thuhet në njoftimin e saj.
???? #Zakharova: ????????Albanian parliament adopted a resolution challenging accusations regarding organ trafficking in Kosovo and Albania.
— MFA Russia ???????? (@mfa_russia) August 2, 2022
❗️ We remain firm in our position that those involved in these crimes must face a harsh and just punishment. pic.twitter.com/X5Ayvx3X5X
Raporti i vitit 2010, i hartuar nga senatori i atëhershëm zviceran, Dick Marty, dhe i miratuar nga Asambleja Parlamentare e Këshillit të Evropës, pretendon se në trafikim me organe kanë qenë të përfshirë udhëheqës të Ushtrisë Çlirimtare të Kosovës, gjatë luftës së viteve 1998-99.
Në seancën e 21 korrikut, Kuvendi miratoi rezolutën “Mbi pabazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri”.
