Barrikadat në veri/ Majko: Agresion i pashpallur ndaj Kosovës: "Mos e grah grethin me krande se e ban për të zezën tande!"
Nga OraNews Përditësimi i fundit 1 Gusht 2022, 12:58
Ish kryeministri, deputeti socialist Pandeli Majko dënon "agresionin e pashpallur ndaj shtetit të Kosovës". Përmes një postimi në facebook Majko tha se "Provokimi serb në Kosovë, është kërkesë për të ndryshuar statuskuonë e paqes në rajon nga "Pons Pilati” në Beograd që bën sikur kontrollon Serbinë!" dhe paralajmëroi "Mos e grah grethin me krande se e ban për të zezën tande!"
Postimi ne facebook
Republika e Serbisë ka filluar një agresion të pashpallur ndaj shtetit të Kosovës.
|Politika e tundimit të serbëve me gënjeshtrat e duhura nga Beogradi, mbart rrezikun që ata të verbohen dhe të mos shohin cmendurinë që kanë para syve.
Shpallja unilaterale nga 4 komunat në veriun e Kosovës, të territorit me legalitet të dallueshëm, është fillimi i një krize që nuk ka të bëjë me të drejtat e serbëve.
Provokimi serb në Kosovë, është kërkesë për të ndryshuar statuskuonë e paqes në rajon nga "Pons Pilati” në Beograd që bën sikur kontrollon Serbinë!
Politika e Beogradit po humb cilësitë europiane dhe po funksionon si “front i dytë” për politikën e Lindjes.
Dhuna sjell ndryshime të shpejta por rezultate iluzore!… Mos e grah grethin me krande se e ban për të zezën tande!"
