“S'të vjen zor që zihesh me gra?”- Doli të mbronte qytetaren pas sherrit për parkimin, mësuesi gjeti vdekjen nga grushti i fqinjit
Nga Ora News Përditësimi i fundit 1 Gusht 2022, 12:54
Detaje të reja kanë dalë nga vdekja e 56 vjecarit Nikolin Staka në Tiranë mbrëmjen e 30 korrikut.
Staka me profesion mësues, banonte prej një muaji në Tiranë, ndërsa më parë mendohet se ka jetuar në Belgjikë.
Ndersa personi që po shihni në foto është Alban Meneri autori i dyshuar i vrasjes.
Sipas informacioneve të siguruara nga gazetari i Ora News, ai ka parë nga ballkoni i katit të dytë i banesës që shtetasi Alban Meneri po debatonte me një grua për parkimin, dhe ka ndërhyrë.
"Ça bën s'të vjen zor që zihesh me gra," i ka thënë viktima.
Ndërkohë Meneri është revoltuar dhe i ka kërkuar që të zbresë poshtë.
"Zbrit poshtë se ta tregoj unë," i ka thënë autori.
Në momentin që viktima ka zbritur poshtë ai e ka goditur me grushte nga ku dhe ka humbur jetën, ndërsa autori është larguar.
Ai dyshohet se ka humbur jetën në shtëpi nga hemorragjia.
Autori i dyshuar i ngjarjes Alban Meneri
