Loti 3 i Unazës pa tabela, çorientohen drejtuesit, hyjnë kundërvajtje
Nga Katerina Hysenllari Përditësimi i fundit 23 Korrik 2022, 13:14
Unazën e Madhe, loti 3 është e bllokuar për shkak të punimeve, por ARRSH është mjaftuar vetëm me një njoftim në Facebook pa vendosur sinjalistikën që tregon devijimin e rrugës, çorienton drejtuesit e mjeteve.
Ndodhemi në rrethrrotullimin e Shkozës dhe rruga pas shpinës sime e cila të lidh me autostradën Tiranë-Elbasan është e bllokuar për shkak të punimeve, por nuk ka asnjë tabelë e cila të tregojë për kohëzgjatjen e tyre dhe mungon sinjalistika e duhur për të ndaluar makinat të kalojnë këtu.
Vetëm nëpërmjet një njoftimi në faqen zyrtare facebook ARRSH bën me dije se punimet në unazën lindore loti 3 dot të zgjasin vetëm për një periudhë 10 ditore.
Por tabela për afatet e punimeve është më e pakta që mungon në këtë segment. 50 metra më tutje, tek rrethrretullimi i shkozës mungon një tabelë që të sinjalizojë edhe devijimin e rrugës çka ka shkaktuar edhe çorientim të drejtuesve të mjeteve.
Megjithatë shumë drejtues mjetesh rrezikojnë të shkaktojnë aksidente pasi në kundërshtim me rregulloren e qarkullimit rrugor, zgjedhin të kthehen në aksin që është vetëm me një sens drejtimi.
Një nga arsyet e këtij vendimi është shtimi i rrugës me 6 km, apo edhe evitimi i gropave që janë përgjatë aksit rrugor të farkës.
Punimet e parashikuara për 10 ditë do ta mbajnë këtë rrugë të bllokuar teksa e vetmja mundësi kalimi pasi je drejtuar për në unazë të madhe mbetet rruga e cila të nxjerr në rrethrrotullimin e Farkës.
