Shkrumbohet automjeti në Korçë, dyshohet për zjarrvënie të qëllimshme
Nga Ora News Përditësimi i fundit 23 Korrik 2022, 12:28
Një automjet është djegur orët e para të mëngjesit të sotëm në lagjen nr. 10 në Korçë.
Automjeti tip "Smart" në pronësi të shtetases L.Z. ka marrë flakë rreth orës 01:30.
Ai raportohet të ketë qenë i parkuar në afërsi të banesës së saj.
"Më datë 23.07.2022, rreth orës 01:30, në lagjen nr. 10, Korçë, ka rënë zjarr dhe është djegur plotësisht automjeti tip "Smart" në pronësi të shtetases L. Z., 34 vjeçe, banuese në Korçë, i parkuar në afërsi të banesës së saj. Nga hetimet e kryera, dyshohet se zjarri mund të jetë vënë qëllimisht," njoftoi policia.
Nga ana e Policisë po punohet për identifikimin dhe kapjen e autorit/ëve si edhe zbardhjen e rrethanave të ngjarjes.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
