Pogradec, kapet në pikën kufitare duke transportuar mallra kontrabantë, shpallet në kërkim bashkëpuntori i tij
Nga Ora News Përditësimi i fundit 23 Korrik 2022, 11:34
Një person është arrestuar në pikën kufitare të Pogradecit, pasi po transportonte mallra kontrabantë.
U arrestua drejtuesi i mjetit L. B., 34 vjeç, banues në fshatin Lin, Pogradec dhe shpallën në kërkim bashkëpunëtorin e dyshuar të tij, shtetasin I. G., 37 vjeç, banues në fshatin Buçimas, Pogradec, për veprën penale “Kontrabanda me mallra të tjera”, kryer në bashkëpunim.
"Shërbimet e Stacionit të Policisë Kufitare Pogradec kanë ndaluar në fshatin Lin, Pogradec, shtetasin L. B., me mjetin furgon të markës “Ford”, në të cilin, gjatë kontrollit u gjetën dhe sekuestruan në cilësinë e provës materiale dhjetëra kuti me fruta të thata, të cilat dyshohet të jenë futur kontrabandë nga Maqedonia e Veriut," njoftoi policia.
Materialet i kaluan Prokurorisë së Rrethit Gjyqësor Pogradec për veprime të mëtejshme.
