Zjarri zbret në qytetin e Vlorës, flakët kërcënuan banesat
Nga OraNews Përditësimi i fundit 13 Korrik 2022, 21:12
Vlora nuk po gjen qetësi nga zjarret këtë verë. Një vatër zjarri u shfaq mbrëmjen e sotme në lagjen "10 Korriku" që ndodhet pranë zonës së Skelës.
Dyshohet se është vendosur qëllimisht nga disa përdorues lëndësh narkotike që qendrojnë te godinat e braktisura që ndodhen në zonë.
Ka qenë ndërhyrja në kohë e efektivëve të zjarrfikëses që bënë të mundur shuarjen e flakëve që rrezikoi banesat që ndodheshin shumë pranë zjarrit.
Më herët në Panaja një zjarr i përmasave të vogla dogji një sipërfaqe të vogël me shkurre dhe 4 rrënjë ullinj.
