Debati për hartën e re gjyqësore, Maks Haxhia: Bëni më parë "territorialen"! Llagami: Vendimi përfundimtar
Nga OraNews Përditësimi i fundit 13 Korrik 2022, 18:08
Harta e re gjyqësore ka sjellë debat në Komisionin e Ligjeve. Kreu i Dhomës Kombëtare të Avokatisë, Maks Haxhia, u ka kërkuar deputetëve të pezullohet derisa të bëhet harta teritoriale. Ndërsa kryetarja e KLGJ-së, Naureda Llagami tha se projekti i dorëzuar Ministrisë së Drejtësisë është perfundimtar dhe produkt i grupit të punës.
Është zhvilluar me dabate seanca dëgjimore në komision te ligjeve për hartën e re gjyqësore.
Duke u shprehur edhe një herë kundër kësaj harte, kreu i Dhomës Kombëtarë të Avokatisë Maksim Haxhia propozoi pezullimin e procesit duke sugjeruar kryerjen e reformës territoriale më parë.
Ai tha se Dhoma Kombëtare e Avokatisë ka qenë kundër këtij projekti dhe e vetmja kërkesë që u është marrë parasysh ka qenë lënia e gjykatës së Sarandës, e kjo sipas tij ishte politike.
Haxhia: Kërkesa jonë e fundit është: Pezulloni këtë proces të hartës së re gjyqësore, bëni hartën territoriale sepse pushtetet shkojnë paralele nga pikëpamja e organizimit. Pastaj në bazë të hartës territoriale bëhet fatura, zgjidhja përfundimtare. Të mos bëjmë zgjidhje që të bëjmë prapë zgjidhje. Të mos vëmë gurin e shtrembër në themel, ngrejmë katet dhe pastaj prishim katet.
Ndërkohë kryetarja e Këshillit të Lartë Gjyqësor u shpreh se harta e re është zbatimi i reformës në drejtësi që e kanë miratuar vetë ligjvënësit, ndërsa mohoi se ka patur ndërhyrje politike.
Llagami: Nuk ka qenë një produkt i Edi Ramës dhe i firmosur nga Naureda Llagami. Ka qenë një produkt i grupit të punës dhe duke qenë i tillë kemi vënë në dijeni si Kryeministrin dhe Kuvendin, që ju lutem të përshpejtohet ky produkt sepse është kohë e nevojshme të reagojmë duke pasur parasysh dhe humbjet që ne kishim në sistem.
Deputeti i PD-së, Gazment Bardhi tha se KLGJ duhet të japë argumente që nuk është një vendim i kryeministrit Edi Rama.
Në përgjigje të Bardhit, kryetarja e KLGJ-së, Naureda Llagami, tha se harta e re gjyqësore është produkt i grupit të punës dhe ka qenë gati që në vitin 2020, ndërsa vonesa e implementimit të saj po sjell pasoja sipas saj vendimi i KLGj-së është përfundimtar.
