Fotot/ “Losail Stadium”, kryevepra 50 miliardëshe që do të çmontohet pas Kupës së Botës 2022
Nga OraNews Përditësimi i fundit 29 Qershor 2022, 10:23
Në Doha të Katarit, 8 stadiumet e botërorit janë ndërtuar në një diametër me rreze 35 km. dhe të gjithë do të jenë të lidhur me sistem metroje çka do të thotë se një tifoz mund të shikojë edhe dy ndeshje brenda një dite. Impantet kanë karakteristika të veçanta, që nga sistemi i aspirimit e ftohjes dhe deri tek materialet që kanë shërbyer për t’i ndërtuar.
Një prej tyre është ai i Losail, 15 km nga qëndra e qytetit, do të presë 10 ndeshje, përfshirë edhe finalen. Më kapacitet 80 mijë spektatorë është stadiumi më i madh ndër 8 komplekset e Katarit.
“Losail Stadium” përfundoi këtë vit dhe arkitektura e tij është frymëzuar nga efektet e dritës dhe hijes ndërsa në fund të turneut pjesa më e madhe e ulëseve do të çmontohen për t’i dhuruar te vendet në zhvillim. Stadiumi ka kushtuar rreth 50 miliardë euro.
