Foto+Video/ Tragjedia në stadiumin kolumbian të ndeshjeve me demat. Rëndohet bilanci, kafsha tmerroi qytetarët
Nga OraNews Përditësimi i fundit 27 Qershor 2022, 12:23
Në Kolumbi një ndeshje demash rrezikoi të kthehej në një tragjedi të vërtetë në shkallët e stadiumit modest ku organizohej evenimenti.
Bilanc lufte pas kërkimeve të para. 8 të vdekur dhe më shumë se 320 të plagosur në një ditë që duhe të ishte feste për komunitetin e qytezës El Espinal.
Pamjet që vijnë nga Kolumbia janë dramatike ku një sektor i tërë në pjesën anësore u rrëzua dhe si pasojë shumë njerëz mbetën nën rrënoja. Por tmerri nuk përfundoi me kaq pasi në momentin që tribuna u shkatërrua, një prej demave doli jashtë rrethimit duke ngjallur panik te banorët e qytezës.
Përgjegjës të sigurisë hynë menjëherë në pistë për të disiplinuar demat e tjerë që rrezikuan të dilnin në rrugët e qytezës në zemër të Kolumbisë.
Mes viktimave janë regjistruar dy gra e një minoren ndërsa frika është e madhe që mund të ndërrojnë jetë edhe shumë të plagosur të tjerë të cilët janë në gjendje të rëndë pasi në momentin e kaosit, shumë njerëz mbetën të shtrirë në tokë dhe u shkelën nga masa e frikësuar.
Fotot dhe videot që vijnë nga vendi amerikano-latin janë vërtet rrënqethëse. I menjëhershëm ka qenë reagimi i presidentit të sapozgjedhur të Kolumbisë, Gustavo Petro, i cili kërkoi që forcat e ndërhyrjes së shpejtë të shpëtojnë sa më shumë jetë njerëzish që të jetë e mundur.
“Një ngjarje e tillë tronditëse ndodhi edhe në Sincelejo dhe u kërkoj kryebashkiakëve që të mos autorizojnë më spektakle të tilla vdekjeprurëse”, thekson ai.
El Espinal ndodhet rreth 100 km larg kryeqytetit Bogota, ndërsa nuk është ende e qartë se çfarë e shkaktoi rrëzimin e shkallëve të stadiumit të improvizuar për një nga evenimentet më popullore të vendit me influencë të madhe spanjolle.
Gjatë muajit të fundit ngjarje të tilla kanë shqetësuar jo pak opiniopni publik pasi të shtunën në të njëjtën qytezë u plagosën disa persona gjatë festës tradicionaole të “corralejas”, ndërsa një i ri humbi jetën i vrarë nga një dem pak javë më parë në qytezën Repelon.
