Sarandë: U zunë për ankorimin në port, pronari i varkës së peshkimit thikë pas shpine pronarit të anijes turistike
Nga OraNews Përditësimi i fundit 7 Qershor 2022, 14:30
Anxhela Lushaj
Një konflikt se kush do të ankorojë pranë shëtitores, përfundoi më vrasje në Sarandë! Një peshkatar vrau me thikë pas shpine, pronarin e një varke turistike!
43-vjeçari Kledi Koka kishte një varkë turistike, ndërsa Genti (Jorgo) Golemi zotëron një varkë peshkimi në Sarandë.
Kur u futën në portin e Skafeve u konfliktuan se kush do të ankorojë ngjitur me shëtitoren.
Fillimisht debatuan me tone të larta.
Jorgo Golemi sulmoi me thikë pas shpine Kledi Koka në mes të shëtitores.
43-vjeçari mbeti i plagosur rëndë.
Pasi mori ndihmën e parë mjekësore në Spitalin e Sarandës u nis drejt Kryeqytetit për trajtim të specializuar.
Nuk u rezistoi goditjeve që kishte marrë dhe për pasojë ndërroi jetë.
Peshkatari Jorgo Golemi u arrestua disa minuta pas ngjarjes nga policia e Sarandës.
Nuk bëri rezistencë dhe si provë iu gjet edhe thika me të cilën kreu vrasjen.
Në zonën e njohur si Limani, në Sarandë ankorohen skafet turistike dhe anije të vogla peshkimi.
Të gjithë lakmojnë ta lënë mjetin lundrues ngjitur me shëtitoren.
Peshkatarët e përdorin për tregtimin e peshkut tek kalimtarët në rrugë, ndërsa pronarët e skafeve vendosin tabela reklamuese dhe kërkojnë turistë si klientë të mundshëm.
Debatet mes tyre për vendet e qëndrimit janë të vazhdueshme ndërsa këtë të martë u bënë shkak për krim.
Policia e Sarandës thotë se ende po heton për ngjarjen, ndërsa mbeten për tu parë nëse do të merren masa për të parandaluar që ngjarje të tilla të përsëriten.
