Korçë, godet 46-vjeçarin me sëpatë pas sherrit për një grua
Nga OraNews Përditësimi i fundit 1 Qershor 2022, 20:09
Një sherr ka ndodhur mbrëmjen e sotme në lagjen nr. 13, Korçë, rruga "1 Maji", në Korçë,
Shtetasi E. B., dyshohet se ka dëmtuar me sëpatë në trup shtetasin S. D., rreth 46 vjeç, i cili aktualisht ndodhet në Spitalin e Korçës nën kujdesin e mjekëve.
Konflikti dyshohet për një femër, autori dhe i plagosuri i komunitetit egjiptian.
I plagosuri jashtë rrezikut për jetën, ka vetëm thyerje të këmbës pasi e ka goditur autori me pjesën e pasme të sëpatës.
Ndërkohë policia ka shoqëruar autorin ei dyshuar i ngjarjes, shtetasi E. B., 42 vjeç, banues në Korçë.
“Më datë 01.06.2022, rreth orës 19:30, jemi njoftuar se në lagjen nr. 13, Korçë, rruga "1 Maji", gjatë një konflikti, shtetasi E. B., dyshohet se ka dëmtuar me mjet të fortë në trup shtetasin S. D., rreth 46 vjeç, i cili aktualisht ndodhet në Spitalin e Korçës nën kujdesin e mjekëve.” – njofton policia.
Grupi hetimor po punon për sqarimin e rrethanave të ngjarjes.
