Cilësia italiane mbërrin në Shqipëri, ushqimet me standarde e cilësi të lartë në Merkato në Megatek
Nga Katerina Hysenllari Përditësimi i fundit 28 Maj 2022, 17:30
"Mercato Italia" është e reja më e fundit në kryeqytet. Tradita e vërtetë e ushqimit italian me standart të lartë të kontrollit të cilësisë vjen përmes "Mercato" e vendosur në Megatek.
100% produkte italiane, produkte mishi të freskëta me prerje anatomike, bulmet, peshk, perime të shumëllojshme, bukë e prodhuar në çast dhe ëmbëlsira, me çmimet më të mira në treg.
Ashtu siç shprehet edhe përfaqësuesi i "Mercato Italia", Domenico Guttadauro Mancinelli, ky projekt i cili kishte nisur prej 18 muajsh, është finalizuar duke sjellë përsosmërinë italiane.
"Ky është një moment shumë i rëndësishëm për ne, pasi kemi sjellë në shqipëri miliona copëza të cilësisë më të mirë italiane, e jam shumë i kënaqur që jam këtu si partner me megatek dhe premtojmë se do ta zgjerojmë këtë projekt në të gjithë Shqipërinë," tha Mancinelli.
Megatek garanton cilësinë e produkteve duke sjellë eksperiencën e ushqimit italian të sigurt dhe çmime të mira në dy hipermakete Mercato në Tiranë, pranë zonës tregtare të Megatek dhe asaj në rrethrrotullimin e Lundrës i cili hapet këtë të shtunë.
Shija italiane tek Mercato ju mirëpret me degustime dhe oferta.
