Sherpat, skllevërit modernë të maleve, pa të cilët turistët s’do mund të shijonin Himalajat
Nga OraNews Përditësimi i fundit 12 Maj 2022, 18:12
Gazetarja e njohur Beri Njuma, e njohur për pasionin e saj, të ngjitjes në male, së fundmi ka udhëtuar drejt vargmaleve të Himalajave.
Sfida e saj e radhës është ngjitja e malit Everest, mali më i lartë në botë.
Njuma ka ndarë herë pas here me ndjekësit e saj, momente më pikante nga ky shtegtim. Kësaj radhe ishin sherpat, skllevërit modernë të maleve. Njuma thotë se ata e nisin hamallikun në moshë të re dhe kanë jetëgjatësi të shkurtër.
Pa sherpat shtegtarët dhe alpinistët e botës nuk do kishin asnjë shans të shijonin Himalajat
“Sherpat, skllevërit modernë të maleve. E nisin hamallikun në moshë të njomë dhe kanë jetëgjatësi të shkurtër, vdesin afërsisht 45-50 vjeç. Pa ta, shtegtarët dhe alpinistët e botës nuk do kishin asnjë shans të shijonin Himalajat. 3 fotot e fundit, ato më të bukurat janë shkrepje profesionale nga bashkëudhëtari i kësaj aventure, Endrit Nura.”- shkruan Njuma.
