1000 këmbana homazh/ Katedralja amerikane përkujton 1 milionë viktima nga Covid
Nga Besmira Pelushaj Përditësimi i fundit 10 Maj 2022, 14:06
Këmbanat në Katedralen Kombëtare të Uashingtonit ranë 1000 herë, në përkujtim të jetëve të humbura nga Covid-19, ndërsa Shtetet e Bashkuara shënuan bilancin tragjik të gati një milion të vdekurve.
Këmbanat në Katedralen Kombëtare të Uashingtonit ranë 1000 herë, në shenjë homazhi për jetët e humbura për shkak të pandemisë së covid 19. SHBA-ja ka pësuar më shumë vdekje nga Covid-i se çdo vend tjetër në botë, e ndjekur nga Brazili, India dhe Rusia. Këmbana funerale e katedrales ka përkujtuar më herët edhe shtatorin 2020, kur vendi shënoi 200,000 vdekje.
"Sot, ne arritëm një moment tragjik në kombin tonë, një milion amerikanë kanë vdekur si rezultat i Covid-19," tha drejtuesi i katedrales, Randolph Marshall Hollerith.
Shtetet e Bashkuara kanë parë një rritje të numrit të rasteve ditore gjatë javëve të fundit, pasi maskat janë hequr dhe tani ato rekomandohen vetëm në ambiente të mbyllura. Numri i vdekjeve të lidhura me epideminë megjithatë është ngadalësuar muajt e fundit.
Kur u tejkalua momenti historik i gjysmë milioni të vdekurve në shkurt 2021, presidenti i SHBA Joe Biden vuri në dukje se ishte një taksë më e rëndë se "Lufta e Parë Botërore, Lufta e Dytë Botërore dhe Lufta e Vietnamit së bashku".
Në total, pandemia Covid-19 ka shkaktuar nga 13 -17 milionë vdekje në mbarë botën nga 1 janari 2020 deri më 31 dhjetor 2021, sipas të dhënave të fundit nga Organizata Botërore e Shëndetësisë.
