Rusia nuk heq dorë nga Ishulli i Gjarpërinjëve
Nga Ora News Përditësimi i fundit 10 Maj 2022, 09:32
Forcat ruse kanë penguar rimarrjen e Ishullit Zmiinyi (gjarpërinjëve) në Detin e Zi, nga forcat ukrainase në dy ditët e fundit, ka deklaruar Ministria ruse e Mbrojtjes.
Zëdhënësi i ministrisë Igor Konashenkov, tha se Ukraina ka bërë disa "përpjekje të dëshpëruara" duke kryer sulme ajrore dhe detare në ishull.
Ai thotë se më shumë se 50 ushtarë ukrainas u vranë gjatë përpjekjeve për tu futur në ishull.
Rusia sipas tij ka rrëzuar katër avionë ushtarakë ukrainas duke përfshirë tre SU-24 dhe një SU-27, tre helikopterë Mi-8 me parashutistë në bord dhe një helikopter Mi-24, si dhe ka sulmuar anijet e marinës ushtarake.
"Trupat e 24 ukrainasve të vdekur u lanë në bregun e ishullit", tha Konashenkov.
Sipas BBC, kur rojet kufiare ukrainase të ishullit u vranë gjatë pushtimit të rusëve, ata u nderuan nga presidenti Zelenski. Në regjistrimet në radio gjatë bombardimit ata ishin dëgjuar t'i thonin një luftanijeje ruse "Shkofshi në ferr".
